由升職變停職 暗角打鑊總督察起底
14,250 viewsx014年10月28日
講開「光明磊落，暗角打鑊」嘅七魔警，當中職位最高係總督察黃祖成，記者出黎跑黑社會新聞，例如喺黑幫紅白二事，好多時會見到黃sir帶住O記啲手足到場，鎮住黑幫氣焰，佢係反黑老手。
好似今年年初水房坐館大孖結婚，水房一眾高層在場慶賀，但現場見到黃sir，就變到學生見老師一樣，恭恭敬敬打招呼，當晚勝和坐館沙田me揸林寶堅尼，被警察捉住吹波仔，佢大唱黎明經典金曲《對不起，我愛你》冧黃sir同佢班伙計。
當時黃sir同過我地講，其實佢好enjoy做警察，特別係夜晚突發嘅operation，佢會第一時間趕到現場。黃sir係紅褲子出身，在警隊內跑過不同部門，聽聞黃sir已經見board，事業本可更上一層樓，但打人事件後，黃sir已經被停職，佢嘅下屬同仲話，佢係最有人情味嘅阿頭，對下屬亦講道理。雖然同袍幫佢講盡好說話，但傳媒影到警察濫用私刑，有圖有真相，打人嘅警察可以喺黑夜鎮到班古惑仔，但面對和平示威者係另一回事，打人只會影響自己和警隊形象。
http://tinyurl.com/p2dpcve