慈濟代言人釋昭慧佇內湖土地開發的電視節目中，互觀眾看著伊尖舌利嘴的宗教人的面貌
，感觸真深。
我想著保羅先生寫互提摩太第一張批第六章的所在按呢寫：
「若有人傳教，不從咱的主耶穌基督（可以寫做慈濟）純正的話，及 hia-ê 合敬虔的道
理，伊是自高自大，一無所知，專門問難，爭辯言詞，就對此生出嫉妒、紛爭、誹謗、妄
疑，並且壞了心肝，失喪真理，互相競爭。因以敬虔變做得利的門路。世間敬虔加上知足
的心，便是最大的利益。因為咱無帶甚麼來這世間，也袂當帶甚麼轉去，只要有通穿、有
通食，就當知足。」（ 6 ： 3-8 ）
伊閣寫互腓立比教會的批：「我（宗教人）無論甚麼情形之下，攏可以知足，這是我已經
學會曉啦：我知影按怎處卑賤，也知影按怎處豐富；或飽足、或飢餓、或有剩、或欠缺，
凡事我攏老練。靠著彼個加互我力量的上帝（彿），我凡事攏會。」（ 4 ： 11-13 ）
以上抄互兄姊罔參考。