我嘛來綴流行，寫一篇文章來記念阮阿公。
阮阿公做過村長，廟兮主委，柱仔腳，果菜市場主任...等等，算是較家婆兮人，愛睬(插
)政治，日本時代，阿本仔共(給)庄內兮廟拆掉，尾仔國民黨來，有宗教自由啊，就重起
大廟，阮阿公出錢出力，即馬廟內柱仔猶擱看會着阮阿公阿媽兮名字。
伊國民學校(小學)無畢業，日語無蓋好，上濟愛看Z頻道兮摔角佮彩虹頻道爾爾，伊嘛無
做過日本兵，228佮伊無啥底事(代)。
國民黨執政，開放地方自治，伊選着村長，爽徦(甲)，蓋揚，擱配一台機車予伊，烏西兮
錢嘛加減提寡，所以我毋捌聽過伊駡國民黨。
伊規工上愛騎一台autoBike四界浪留連，載大孫(我)去揣(尋)知己泡茶，人咧講"大孫頂
尾囝"，彼陣有影共我疼命命，過年紅包上無嘛1萬起跳。
阮兜有飼雞，伊取(娶)我去雞寮仔勾雞，種菜瓜兮形影，今猶擱想會起來。
伊因為交際應酬，薰(煙)，酒，檳榔攏總來，不幸得着口腔癌，電療化療攏創落去，原那
無效，70歲少年少年就過身囉，伊知影自己劫數難逃，捌共我講伊欲去觀音菩薩邊仔修行
啊，毋知伊即馬佇西方極樂世界，過了好無?
伊彼陣入木(棺材)時，予我兮最後一包紅包(手尾錢)，我今猶留兮，聽人講用這錢去做生
理，會大葩尾，希望我家己以後會有出脫，我以後百歲年老，有彼兮面去見伊，
再相會，我兮阿公。