有發音，請點以下連結:
http://picosong.com/wcpqg/
台語內面有真濟古漢語，
咱不可否認，
毋過基本文法，親像現在進行式,
我咧食飯
我哩食飯(漳州，潮汕)
我地食飯
我得食飯
等等逐工會講着兮話，
敢若佇中國古冊內面揣無，
所以講台語完全是漢唐語嘛無蓋妥當，
對歷史來看，
應該是外省人走路來福建，廣東潮汕，
佮當地百越番婆生囝，河洛話透濫着百越族兮語言，變成閩南語。
了後福佬人擱生湠出去規兮東南亞，台灣，泰國，
佮當地番婆生囝，在地化，產生語言差異，
這款台語源流之解說比較合理，較會通，
平埔族彼套就煞煞去啦，去圖書館掀西拉雅，巴宰海教材你就知，
另外，若講着各種語源佔幾%兮問題，有通吵徦，
一寡人愛講
"布袋戲兮台語毋是台語"
"台語氣口只有用羅馬字才寫會出來"
這款言論，其實是刁工強調百越語源兮台語詞，文法，
布袋戲兮台語只是較倚河洛話，較倚書面文字而已，
恁兜死人若有師公來念咒，慈濟來念經，你逞好去聽啊，
凡勢你嘛聽無，因為彼較毋是生活用語。
所以講咧，台語無啥乜正範無正範兮問題，
規工吵家鬧宅，吵幾%只是宅男兮行為，不可取。