好啊，我就來用台語發一篇。
嘛希望會當看著客家、原住民用家己母語發文，因為咱台灣人本來就有權利佇台灣公共場
合，用家己的台灣母語發言~
免驚人看無，人若想欲了解，自然會來請教，大力共寫落去就著矣啦~
人愈欲打壓咱台灣母語，咱著愈愛加講，愈講愈暢，呵呵。
毋過愛先講清楚，雖然台語是對中國泉、漳來的，但是台語無等於泉、漳話。
這个道理就親像台灣漢人來自中國，但是咱絕對毋是中國人，仝款意思~
閣來講母校消失這件代誌。
我本身所讀的大學是猶未消失，猶毋過若有一工，伊親像這陣的交陽併校仝款，按呢我會
感覺足無彩的。
不管按怎講，總是對「某某大學」畢業的，這个「某某」兩字本身就是回憶矣，若改名當
然會感覺怪怪的。
毋過，若算起來猶是改名較好，或者是無改已經袂用得，按呢嘛無法度矣。
差不多是按呢啦，嘻嘻，就贊助一篇，予咱台灣ptt八卦板會當閣較多元化，嘛向望後擺
會當看著閣較濟的客家佮原住民文章~
閣講一擺，免驚人看無，因為遮是台灣，咱用台灣母語發言真正常~