https://news.pts.org.tw/article/498381
228雄中自衛隊據點 長春旅社面臨保存危機
2020-10-27 19:16 最後更新：2020-10-27 19:35
高雄火車頭附近有一間長春旅社，是228事件當中雄中自衛隊的重要據點。地主最近倩人共
旅社的後面拆掉，就有一寡地方的文化人士認為，這間旅社有歷史的意義，向文化局提報
歷史建築，目前文化局請地主暫停拆除，等待調查。
才二工的時間，原本佇遮的古厝已經拆了了，干焦賰一寡咾咕石，佮旅社後爿四樓的建築
，因為文化局接著民眾提報，已經要求地主先停工，在地文化界人士講，雖然古厝拆了，
好佳哉長春旅社暫時保留落來。
長春旅社佮古厝，其實已經足濟冬攏無人蹛，環境垃圾，地主因為接著傷濟罰單，才決定
欲共古厝閣有旅社拆除，文史團體接著消息，趕緊共文化局提報，主張長春旅社是歷史建
築，文化局人員嘛請委員到現場了解。
長春旅社原底是戰後高雄車頭上懸的建築，二二八事件彼當時，雄中自衛隊捌共旅社當做
據點，對抗軍隊，毋閣原本佇建國路的旅社早就改建做店頭，後壁的部份賣予這馬的地主
。
文史團體希望，旅社佮隔壁保安宮會當成做大港埔的景點，後禮拜文化局委員閣會正式會
勘、審查，確定旅社未來欲按怎處理。