https://news.pts.org.tw/article/586639
葉石濤紀錄片上映 望民眾了解臺灣文學歷史
洪敏真 莊沛文 / 台北報導 發布時間：2022-06-21 19:15 更新時間：2022-06-21 19:42
https://www.youtube.com/watch?v=Te4TAn-5P6U
臺灣男子-葉石濤是臺文界的重要作家，經過日本時代佮戰後，葉石濤規世人注心咧為臺
灣書寫。就算經歷白色恐怖，伊也無放棄，佇解嚴進前完成台灣文學史綱。少年導演許慧
林用3年外的時間，共葉石濤的一生翕做紀錄片，希望有藝術和文學的新對話。
台灣男子葉石濤紀錄片片段，「作家咧創作的時陣，除了上帝以外，任何人攏無法度幫忙
伊。」
經歷日文到華語的書寫轉換，也行過白色恐怖的烏暗日，台灣文學前輩者葉石濤佇解嚴前
，獨力完成「台灣文學史綱」，建構台灣主體的鄉土文學史，面對孤單寂寞的寫作路，葉
石濤勇敢也驚惶。
台灣男子葉石濤紀錄片片段，「文學到底是啥物，文學就是上帝予特別的人降下的報應。
」
葉石濤在生辛苦為台灣，留下濟濟人對伊的感念，少年導演許卉林和監製林靖傑等人綿爛
讀23本的葉石濤全集、做濟濟功課，tshuā 11个藝術家，用三年結合動畫、版畫、行動
劇多元藝術元素，高規格拍這齣號做「台灣男子葉石濤」的紀錄片。
台灣男子葉石濤紀錄片監製 林靖傑，「欲按怎用身體的語言去表達文字的語言，這攏愛
經過足濟消化才有法度呈現出來，葉老的伊的文學價值、伊的性命、伊的精神永遠是當代
的。」
民進黨立委 王定宇表示，「這粒種子埋佇遐遮久，這馬發芽有人共土藃開、予伊大漢，
所以這發芽的過程袂當單純靠一个作品，愛靠眾人去看。我想逐家會當得著滿滿的感受。
」
跨黨派立委、議員也鬥陣包南北二路的電影院，希望招閣較濟人回顧台灣現代文學史，也
用這齣跨世代的藝術影視作品，予葉石濤的台灣文學命脈有新的能量。