公視新聞網 https://news.pts.org.tw/article/596243
身障運動公聽會 民團望老師加了解身障生需求
郭柏均 張育睿/台北報導 發布時間：2022-08-22 19:15 更新時間：2022-08-22 20:11
https://www.youtube.com/watch?v=XCQEH6_FfYE
立委萬美玲今仔日8/22佇立法院召開公聽會，邀請身心障礙團體佮中央部會，共同討論身
心障礙者的運動權利佇台灣社會搪著啥物款的阻礙。有民間團體就講，學校的老師對身心
障礙學生猶是無全性面性的了解。
今年初設佇台師大的「體育署適應體育發展中心」正式成立；身心障礙者權利公約CRPD
、第二擺國家報告國際審查會議嘛佇八月初六結束。身心障礙者運動的權利看起來愈來愈
受著重視，毋過民間團體表示，學校教師對身心障礙學生的認捌無夠齊全，猶是需要加強
。
台灣腦性麻痺運動休閒協會常務理事 姚宗元表示：「但是特教老師毋捌體育，體育老師
也毋捌身障這部份，無人會使真適合的去指導。」
教育部體育署體學校體育組組長 蔡忠益表示：「阮欲對現有的師資做培力，今年開始阮
推動4年計畫。特教佮體育老師共同互相合作，互相合作來推動適應體育。」
立委萬美玲廿二佇立法院召開公聽會，邀請身心障礙團體佮中央部會，共同參詳身心障礙
者的運動權利佇台灣社會閣會拄著啥物阻礙。民間團體建議佇設施充足的狀況之下，參考
大眾運輸博愛座的模式，嘛設置部份設施予身心障礙者優先使用。
桃園市權人生命教育協會總幹事 劉映艷表示：「阮推動友善籃框，針濟學生對這議題，
其實是有興趣而且感覺愛關心。」
教育部體育署常務次長 林騰蛟表示：「真濟場館是佇地方政府，阮願意佮地方政府就這
个部份閣來開會。」
針對身心障礙者選手訓練的部份，過去有帕運選手表示，in無像奧運選手仝款有專用的基
層訓練站，訓練資源差真濟，體育署表示，目前當咧改善。
教育部體育署常務次長 林騰蛟表示：「配合咱身心障礙選手，可能離伊倚厝抑是上班地
點較近，或者是離伊訓練的所在較方便的地點，進行相關規劃佮設計，袂像奧運的選手，
集中佇國訓中心。」
體育署指出，身心障礙選手的基層訓練站，會閣參帕運委員會等等團體參詳討論，目前推
出的數量、時間等等攏猶無法度確定。