公視新聞網 https://news.pts.org.tw/article/597899
環保署規劃修廢棄物清理法 按向業者徵收費用
林思皓 謝季潾/臺北報導 發布時間：2022-09-01 19:15 更新時間：2022-09-01 20:33
https://www.youtube.com/watch?v=zL3bchY0JVg
為著欲提升資源回收的效率，環保署今年2022年開始規畫廢棄物清理法的修法。其中為著
予產生廢棄物業者的擔起責任，嘛會對in徵收資源循環促進費。民間團體希望這會使用來
補貼佇咧第一線回收的人。
台灣推扌束資源回收已經25冬。毋過回收的物件毋是逐項攏真好處理。所以環保署會對產
生廢棄物的業者徵收回收清除處理費用，來補貼處理回收的廠商。
環保署資源回收管理基金管理會執秘 王嶽斌表示：「應回收廢棄物，伊的製造者、輸入
者，著愛照公告的費率納回收清除處理費，成做咱的基金，基金大部份是用來補貼咱的回
收商佮處理商。」
今年開始，環保署草擬廢棄物清理法的修法，按算加對一寡仔產生事業廢棄物的業者徵收
資源循環促進費，提升資源回收體系的運作效果。初一立委洪申翰召開公聽會，民間團體
佇會中表示，希望遮的基金會使真正補貼予第一線的回收人員。
五角拌創辦人 廖宏翊表示：「主要是因為目前回收基金干焦補貼源頭的廠商，所以下游
廠商無法度得著這種補貼，無法度反映適當的營運成本，造成in必須共價數定甲足低，才
有法度活落去，所以連帶影響著上基層的回收者。」
看守台灣協會秘書長 謝和霖表示：「一寡仔都市化的所在，土地愈來愈貴，所以回收商
可能佇都市地區就愈來愈少，愈倚偏鄉遮的抾字紙的，遮的家己咧做資源回收的，愛行閣
較遠才有法度賣，然後伊賣的物件閣愈少。」
針對民間團體的訴求，環保署表示，in會加強稽查，袂予徵收來的基金全予廠商家己食去
。