任何的語言攏仝款，聽說讀寫，缺一不可。你哪無學過著袂曉，看無是真正常的代誌。
咱的台語現此時有三種主流的文字表達系統，台語漢字、白話字、台灣羅馬拼音，你即馬
看著的，著是台語漢字，而確實台語漢字是較簡單入門的。另外兩種是羅馬字的拼音（一
个新一个舊），你會使看作是日文的漢字佮平假名的關係。有人佮意純漢字，有人佮意純
羅馬字，有人佮意漢羅併用，毋管是因為考慮佗一種因素。
我個人是較佮意台語漢字，但是嘛看有羅馬字，畢竟伊會使當作漢字的音標，哪無，真濟
無熟似的字著毋知影愛按怎唸囉。這樣哪看哪學哪寫，我嘛無特別去啥物補習班學，差不
多2-3个月著學甲七七八八囉