公視新聞網 https://news.pts.org.tw/article/612069
18歲公民權無過 民團指宣傳無夠.修憲難度傷懸
郭柏均 張育睿／臺北報導 發布時間：2022-12-01 19:15 更新時間：2022-12-01 19:44
https://www.youtube.com/watch?v=7WXrcr2BVrY
18歲公民權修憲案，落尾因為同意票，無超過所有投票權人的一半，自按呢無通過。今仔
日就有立委佇立法院召開公聽會，討論修憲案未來會使按呢做。有民間團體佮學者認為，
這擺無通過的兩个主要原因，一個是宣傳無夠，另外一個就是修憲的標準傷過懸。
11月26的18歲公民權修憲案，結果無通過。有民間團體佮學者認為，中選會等等機關宣傳
無夠，是其中一个原因。
中選會綜合規劃處處長高美莉表示：「透過多元管道宣傳，譬如透過line 面冊來宣傳，
其他猶有透過廣播，印海報到每个地方政府。」
台少盟副秘書長林于聖表示：「中選會第一个是宣傳的問題，真濟人到選前攏毋知這擺有
修憲案，甚至提著選票才發現，這件代誌無完全是中選會的責任，阮去拜會真濟行政部門
，得著的答案攏是講，In無方便表示意見，毋過這真奇怪，立法院全票通過的代誌，行政
部門為啥物袂使幫阮宣傳。」
另外，修憲案的公民複決程序，除了同意票愛懸過無同意票，閣愛超過整體投票權人二分
之一，這擺同意票，只有整體投票權人的29.35%，修憲的戶傷過頭懸，也成做焦點。釋
憲是目前各界認為有可能解決的辦法之一。
輔仁大學法律系助理教授姚孟昌表示：「要求大法官對修憲戶進行判斷，是真困難的，
但是若換一个角度，佇這擺的投票當中，有超過40萬的中華民國國民，伊的公民資格佮投
票權利予剝奪，In就有權提起憲法訴訟。」
學者指出，外界認為會使由立法院提出釋憲，但是這著愛立法院有因為現行法律，造成職
權無法度施行才會使得。學者認為，因為目前立法院確實有順利提出憲法修正案，所致這
條路可能行袂通。