公視新聞網 https://news.pts.org.tw/article/614745
臺南請耆老紹介糖廠歷史 行銷地方.守在地文化
綜合報導 發布時間：2022-12-19 19:15 更新時間：2022-12-19 19:40
臺南善化的六分社區，本底是靠製糖出名的庄頭，毋過這幾冬煞人口流失誠嚴重，社區為
著欲行銷地方，舉辦營造成果展，閣邀請94歲的老大人來紹介糖廠的歷史，予民眾閣較認
捌在地文化，嘛帶動觀光經濟。
臺灣以早靠種甘蔗、製糖，成做糖業出口大國，毋過時代演變，這馬全臺只賰2个糖廠閣
咧運作，1个佇虎尾，1个就佇善化。為著欲予民眾閣較認捌善化歷史，社區請一位在地94
歲的耆老，胡炳富，來做導覽員，一爿散步，一爿向逐家紹介糖廠鐵路。
在地耆老胡炳富講:「早時兩幫，下晡時兩幫按呢，而且這條閣透玉井，透玉井營業線，
咱普通攏愛，是無蓋濟錢啦。」臺南市善化區六分社區發展協會理事長蘇文俊也講:「他
今年已經94歲了，我們邀請從小就在這邊長大的耆老，來幫我們解說我們六分的歷史。」
徛佇畫頭前沓沓仔欣賞，閣提手機仔出來一張一張翕。六分社區是傳統的農庄，面積雖然
大，毋過人口干焦7百外人，為著欲行銷地方，臺南文化局佮社區合作，辦營造成果展，
邀請序大用當地的材料，畫出記憶中的六分。
社區長者講:「這愛心，這也愛心，來社區參與活動真好。」臺南市善化區六分社區發展
協會理事長蘇文俊也講:「了解說我們六分社區的民俗，還有其他的名勝，然後它的歷史
，尤其是我們這邊的學員，年紀偏大，他們都很喜歡參加這個活動，他們手動腦動腳動。
」
透過行舊糖廠散步路線，通外地遊客到社區內參觀，閣會當順紲行銷在地的農產品。
社區居民也表示，已經向市府爭取，希望恢復善化到玉井五分車鐵路通行，才通閣帶動地
方觀光。