我讀國中的時
彼當陣接觸的8+9上濟
嘛有誠實咧跳陣頭的
是較少數
就我所識似的8+9來講
有講話趣味、老奸、單純、愛耍、目色好、生做袂歹看的
有的厝內真散
有的真會得過
一世人免做事嘛會使
彼个厝內較好過的
國中就咧交姼仔矣
除了抐舌閣有其他進一步的
三不五時會佮逐家分享
佮乖乖讀書的同學比起來
8+9較注意外表
會專工去改褲、穿至尊鞋
佮阮這種穿運動鞋的無仝款
簡單講就是重視打扮
生活嘛袂無聊
有當時歇睏閣會走去溪邊釣魚
大漢了後
一个接怹老爸大公司
一个學師仔最後靠家己開店
這陣好額人規工四界耍
一个因為銃炮夆關幾若擺
後來去東南亞做台商保鏢
這馬已經死矣
一个高中就死矣毋知啥物原因
跳陣頭彼个嘛夆關幾若擺
這馬無消息矣
其實8+9的下場佮厝內有關係
好額人的囝做啥攏袂按怎
極加夆關爾
有錢夆關嘛袂夆欺負