公視新聞網 https://news.pts.org.tw/article/621695
民團:濟場所欠無障礙設施 身障者出門阻礙濟
郭柏均 張育睿/臺北報導 發布時間：2023-02-07 19:15 更新時間：2023-02-08 14:32
https://www.youtube.com/watch?v=8HnV_0gwvAE
身心障礙者出門活動，上捷拄著的困難，是欠無障礙設施，閣有設施設計了無好。長期關
注身心障礙者的心路基金會，最近欲舉辦公益健行活動，希望社會看著身心障礙者的需求
。(這條新聞標題、前言是臺語文。)
佮身心障礙者徛做伙，初七帕運羽毛球國手方振宇、演員李國毅，做陣出席活動，推廣身
心障礙者權利。長期幫助身心障礙者的心路基金會指出，身心障礙者出門活動，上捷拄著
的問題是欠缺無障礙設施，抑無就是設施頂懸的資訊對一寡仔障礙者來講較理解。為著
推廣這个議題，基金會舉辦公益健走活動，望社會關注。
帕運羽毛球國手方振宇講:「像健身房，運動中心的健身房，可能愛較濟空間，予較濟身
心障礙朋友，會使使用 去運動，空間傷狹in無方便，就會造成in無想欲去。」心路基金
會執行長賴炳良講:「包括人行道 公用場所的一寡設施，佇無障礙支持的部份，是真無夠
，另一部份，是提供友善態度的部份，逐家對身心障礙朋友，猶是較生份的態度，對in可
能較有距離。」
心路基金會指出，健走活動佇前三年因為疫情，無法度舉辦實體活動；仝時間也有真濟關
懷服務無法度順利進行，攏是透過網路、電話等等方式維持。紲落來疫情管制開放，in也
會按照狀況應變。
心路基金會執行長賴炳良講:「咱猶是採用較嚴格的方式，就是咱一寡仔服務，視訊佮實
體做伙來做，因為身心障礙朋友身體，屬於較病弱。」
基金會表示，隨疫情管制措施開放，實體服務也當咧沓沓恢復，未來會以線頂、實體雙管
道，來幫助身心障礙者。