公視新聞網 https://news.pts.org.tw/article/664003
臺南"赤崁萬神節" 招各地藝陣.36神將鬥鬧熱
李晨宇/臺南採訪報導 發布時間：2023-10-28 19:15 更新時間：2023-10-28 20:00
https://www.youtube.com/watch?v=ddp0G21Ig88
西方的萬聖節欲到囉，佇臺南也有一个赤崁萬神節，已經辦第四屆囉，這兩工，各地頭的
八家將團攏來臺南演出，今年負責的元和宮，也特別請出已經40冬，毋捌全員出動的保生
大帝駕前的36仙神將，做伙來鬥熱鬧。tshuā觀眾朋友做伙來看鬧熱。
陣頭佇咧街仔路踅境，是府城真四常看會著的景象。毋過，欲一改看著36仙神將排規排，
這種場面真罕見，今年由大銃街元和宮，擔任赤嵌萬神節的值星官，不只邀請各地頭藝陣
來鬥鬧熱，已經闔40冬毋捌同齊出現的保生大帝駕前36仙神將，嘛作伙出來遊街，廟方表
示，頂一改，36仙神將同齊出現，是40外冬前，保生大帝1千歲聖誕。
大銃街元和宮全臺白龍庵主委王炳元講:「咧進行就愛百規个人來負責這段，確實對人力
物力攏是真大的挑戰，這回阮嘛是有拚看覓，希望予逐家看會著這个盛況。」民眾林小姐
講:「佇遮一改就會使看著你想欲看的，而且嘛是了解著傳統文化的藝術。」
大銃街元和宮是八家將的發源地，廟方用八家將做元素。除了有六龐無仝派門的家將團來
表演特色的跤布手路，甚至嘛開放民眾體驗畫面譜。根據了解，家將的面譜是以擔任的職
務落去畫的。另外，現場閣免費送平安鹽參身婁轎跤，予民眾有食閣有掠。
囡仔講:「我佮意八家將所以我今仔日來畫面譜。」高雄地嶽殿吉勝堂會長陳忠遙講:「文
差是帶令，武差是保護文差，祭令降落來咱八家，將有啥物妖魔鬼怪欲來擒押，四大將是
甘、柳、謝、范擒押遮的犯人，四季春、夏、秋、冬，是配合四大將的角色按呢。」
假日連紲兩工，佇全美戲院頭前封街舉辦，現場嘛有百偌攤的擔位。廟方指出，欲傳承優
質的文化，in家己先做起。主辦單位向望逐家用無仝的角度來欣賞，減少對陣頭文化的誤
解。赤嵌萬神節到今第四冬，in欲營造獨有府城氣味的民俗活動。
張曼亭/編輯