公視新聞網 https://news.pts.org.tw/article/672558
咱動畫產業欠代表性 協會揀學生作品拚發展
郭柏均 林郁凱/臺北報導
發布時間：2023-12-21 19:15 更新時間：2023-12-21 19:41
https://www.youtube.com/watch?v=Lcv06Z1YZzI
一个品牌欲成功，愛有一个通人知的品牌形象。動畫特效協會舉辦「動畫新秀孵育計畫」
，選出10件有商業發展價值的學生作品，經過6個月的課程訓練，予遮的作品，有拍入去
市場的能力，希望發展出有臺灣特色的動畫。
「予人埋佇六張犁遮的，真濟攏是反抗政府，死甲不明不白的人，死去的靈魂若有遺憾，
是無法度去投胎的，所以阮真正足需要你的幫忙。」這齣動畫片，以白色恐怖受難者的故
事出發，由台南藝術大學研究所的學生-黃信瑋創作的，無意中去知影台北六張犁公墓，
才去研究思考這个主題。
《不詳的一方》導演黃信瑋講:「彼時就接觸著一寡，白色恐怖受難者的故事，包括知名
的白恐受難者，號做黃榮燦，就是恐怖的檢查，木刻板畫的創作者，所以我就創作這个，
不詳的一方，短片版本的作品。」
這个作品原底是黃信瑋讀研究所做的作品，落尾參加動畫特效協會辦的「動畫新秀孵育計
畫」重新創作。這个計畫選出10个有商業開發價值的學生作品，佇六個月的計畫當中參業
界合作，共作品以向商業市場提案、開發的方向再造。
動畫特效協會秘書長邱世萍講:「由業界輔導，閣有業界資深的動畫人，來輔導動畫新秀
，予學生的創意，通有進一步入去商業市場的機會。」文化部長史哲講:「佇過去的世界
，咱真罕得有大型的動畫製作，IP無佇咱的手頭，臺灣內容，臺灣家己的IP愛先發展，無
若 一直咧國外的大型IP下底，咱足脫離這个掌握。」
協會表示，明年的目標，希望這10齣動畫通結合成做劇集，成做有臺灣特色IP的影視作品
，佇線頂影音平台播出。協會認為，若這寡作品通予閣較濟人看著，臺灣的動畫市場就更
加有發展機會。
張曼亭/編輯