: 跟一陣子沒碰面的朋友吃飯聽他分享學佛心得，
: 他沒有加入宗教團體只是自己找書看，
: 他說越學佛越覺得世事變化怎樣都沒差：
: 名利得失是非對錯都是變來變去都是一場空，
: 外在發生什麼變故越來越覺得沒什麼差
: 有聽過色即是空，學佛會讓人覺得什麼遭遇都沒差都好嗎？
你講的色即是空
是對《般若波羅蜜多心經》來的
彼大乘的
我較無了解
我嘛是家己上網路揣資料看
因為舊年飼的十幾歲老狗過身矣
心肝足艱苦
就揣著這个白話文網站
https://agama.buddhason.org/book/as/asi.htm
對我當時真有幫助
嘛因為按呢開始三不五時
想著就google一寡佮原始佛經-阿含經有關的物件來看
簡單講就是南傳佛教的物件
南傳伊的重點就是
1.無我
2.無常
因為佛祖講過
世間所有的現象攏是有原因的
無彼款無緣無故就走出來的物件
所以無常真好理解
以身軀來講
對嬰仔到老人 一直咧變
以心來講
人的想法嘛定定咧變
若無我
譬論咱人
只是色受想行識-五蘊
(色：身軀 受想行識：心理運作過程)
暫時結合的現象爾
五蘊鬥做伙予咱有「我」的幻覺
其實根本就無「我」
所以等人死矣
五蘊分開矣
啥物就攏無矣
賰業力繼續去輪迴矣
講到遮你就知矣
業力當然毋是靈魂
伊就是人在生的時陣
因為你愛這个、討厭這个
對心開始有想法而且講出來(口業)抑是做出來(身業)
對外口佮你心內攏產生影響
這個經驗後擺若有機會
伊閣會走出來影響你的心
影響你後一擺的行為
這个力量甚至到你五蘊分開矣(死矣)
閣會繼續去輪迴
繼續去發展出新一期的性命
所以無我 而且有輪迴
就是這个原因
你這世人所造的業
這個力量會去揣相應的所在投胎
然後報應佇新一期的性命
無仝人矣
毋過仝款是你咧歡喜你咧疼
若無法度理解
會當想看覓：
若因為某種原因
你共七歲以前的代誌攏放袂記矣
完全袂記得矣
按呢閣坐時光機轉去七歲進前
佇路的拄著矣
若無人共你講
你敢會想著講伊就是你的「前世」？
伊的身軀 伊的思想
其實佮你這陣無仝款
恁無仝人
但是這个囡仔的心所造的業
當然會繼續佇你身上表現出來
繼續影響你
就是你咧歡喜你咧疼
所以轉世矣
新一期性命矣
新的五蘊矣
身軀記持攏新的矣
誠實無仝人矣
業力猶閣佇咧
猶是你咧歡喜你咧疼
若修行
就是去改變想法
予家己莫予貪瞋癡控制牢
才袂一直造業 一直輪迴 一直痛苦
非佛說
參考看覓