公視新聞網 https://news.pts.org.tw/article/696168
雄中甄選台語專任教師 69个報名、煞無人錄取
發布時間：2024-05-21 19:15 更新時間：2024-05-22 08:25
鍾依憓 邱紹揚 / 高雄報導
https://www.youtube.com/watch?v=54THPjHxcJw
高雄中學頂個月頭一擺辦理台語專任教師的甄選，69位老師報名，煞攏無人錄取。成大台
文系的教授就質疑評分過程，台灣南社也有接著老師的投訴，向高雄市政府反映，要求調
查甄選過程。高雄中學表示，學校召開教評會重新檢視，甄選流程攏無問題，IN是尊重評
審的評分。（此則新聞標題、導言、內文皆為臺語文。）
這馬本土語言課已經納入高中學課綱，本土語老師的需求嘛增加，高雄中學四月有招聘一
位台語專任老師，總共有69位報名，六位進入複試，毋過煞攏無人予錄取，成功大學台文
系教授蔣為文佇面冊貼文講，70分才錄取，上懸分是考著69.45分，伊質疑甄選無公平，
台灣南社也接著老師的投訴，向高市府要求愛撤查過程。
成功大學台灣文學系專任教授 蔣為文，「考生攏有符合資格，攏有領著教育部的臺語證
書遮的老師，佇面試內底上高分等於差不多66，66分按呢爾，按呢哪有公平，化學平均至
少攏有拍著82分以上。」
蔣教授也質疑，甄選的五位評審，有三位無台語專長，高雄中學表示講，這三位國文佮社
會科的評審老師，其實也有本土語佮教學的專業，也強調學校無輕視本土語言。按算七八
月會閣招台語代理老師。
高雄中學校長秘書陳姿慧，「阮並無違反教育部對甄選這个教師內底伊的規定，佇四年前
數學科嘛捌出現缺名額的情形，絕對毋是因為輕視本土語。」
高雄市政府教育局主任秘書 歐素雯，「鼓勵囡仔來修選課，當然高雄市一定會支持，所
以阮未來抑是會持續開缺。」
教育局表示講，今年雄中是高雄市頭一間招聘台語專任老師的中學，針對甄選過程，雄中
表示，初八有開教評會，檢視流程也比對評分，認為攏無問題，所以尊重評審的決定，教
育局是表示講，未來高雄市會繼續開本土語專任老師的缺。
洪家馨/編輯