公視新聞網 https://news.pts.org.tw/article/697098
台北霞海城隍文化節 6/1佇大稻埕鬧熱起鼓
發布時間：2024-05-27 19:15 更新時間：2024-05-28 08:46
呂尚儒 莊浚佑 / 採訪報導
https://www.youtube.com/watch?v=fNvDV8JFAqA
有一句話叫做「五月十三人看人」，這是咧講臺北迎城隍，人挨挨陣陣，真鬧熱的狀況。
台北霞海城隍廟是大稻埕真重要的信仰中心，今年台北霞海城隍文化節，對6/1開始辦到
月底，除了有慶祝城隍爺聖誕的民俗科儀，也欲透過各種活動、導覽，tshuā逐家來踅大
稻埕，了解在地文化。（此則新聞標題、導言、內文皆為臺語文。）
歌手以一首南管調的思君歎，來做今年「台北霞海城隍文化節」記者會的開場表演。台北
霞海城隍廟是大稻埕真重要的信仰中心，古早話講「三月痟媽祖、五月迎城隍」，代表講
這是當地非常重要的慶典，抑若今年的台北霞海城隍文化節，拍算自6月開始。
台北霞海城隍廟文宣組長 吳孟寰，「上重要的6/18，舊曆的5/13迎城隍，這改猶是由咱
在地真濟軒社，包括像保安社 靈安社、雙連社、明光樂社等等的，攏會做伙來做暗訪也
好閣有日巡，來做迎鬧熱的部份。」
今年台北霞海城隍文化節，也結合臺北建城140年，除了有歌仔戲和北管軒社表演，嘛有
結合無仝語言族群的音樂會，做伙來共城隍爺做生日，另外今年有倩知名的大稻埕服裝設
計師，結合龍年、海島和永續等等的概念來為城隍爺做新衫。
設計師黃秀瑾，「因為老爺嘛愛佮少年人相接，所以阮就做有帽仔的T-shirt，然後嘛運
用就是永續時尚的這个，寶特紗的布料來做數位印花，然後老爺嘛是渡海來臺，所以阮就
共這寡海洋的一寡概念，就囥佇阮的規个底圖當中。」
今年台北霞海城隍文化節，自6月初1辦到月底，除了有迎城隍的民俗科儀，也和大稻埕在
地店家共同規畫「誕隍祭特展」，欲透過各種活動、展覽和導覽，tshuā逐家來踅大稻埕
，了解在地文化。
熊楚瑜/編輯