公視新聞網 https://news.pts.org.tw/article/697707
駁二展出經典báng-gà 重現早期尪仔冊店氣氛
發布時間：2024-05-30 19:15 更新時間：2024-05-31 08:29
鍾依憓 邱紹揚 / 高雄報導
https://www.youtube.com/watch?v=zEtD5fOhOwA
租冊店內面的báng-gà是真濟人做學生時代的記持，高雄駁二上新的展覽，「你兜轉彎
開一間báng-gà店」，展覽就模擬早期租冊店的氣氛，tshuā民眾轉到青春年少的學生
時代。（此則新聞標題、導言、內文皆為臺語文。）
來到駁二的展區，有濟濟無仝風格的báng-gà，內容對同婚議題，早期女性的悲哀故事
到民間傳說攏有，你兜轉彎開一間báng-gà店的展覽，重現過去租冊店的氛圍，現場也
有五位臺灣現代的漫畫家創作的短篇báng-gà，民眾通借來看，題材有奇幻、冒險等等
的故事，親像這本「半碟琉璃夢」，是畫出作者的囡仔時代的代誌，向望逐家愛珍惜。
漫畫家小島，「足濟老厝攏予人拆掉，阮對較舊的物件，其實無遮爾珍惜，所以我其實是
足煩惱，可能閣過五年十年，這間厝就無去。」
漫畫家阮光明，「慢慢in (外國人)才對遐開始看故事，才知影講，這原來臺灣的故事佮
日本無啥仝，(báng-gà)臺灣這馬議題足濟，那陣228嘛有、日本時代嘛有，一寡在地生
活愈來愈濟。」
1990到2000年是台灣租冊店發展上好的時期，那个時陣租冊店就有一區攏是限制級的bá
ng-gà，這改的展覽二樓也特別一區，展出臺灣經典絕版的作品，閣有猶未出版的限制級
báng-gà的手繪稿，予逐家會當重新回憶。
策展人陳青琳，「打造一間，怪奇之閣的珍藏館，內面有分享足濟伊絕版的作品，閣有足
珍貴1960年代，陳世雄老師鬼頭猶未出版的手稿，這改展覽看著臺灣báng-gà。」
這馬奢颺發展的性命力量
漫畫家表示講，這馬實體的租冊店是漸漸稀微，顛倒是網路圖文較受歡迎，目前臺灣的b
áng-gà嘛會外銷到歐美國家，也期盼有新的出路。這个展覽一直到11月底，向望予逐家
通了解臺灣báng-gà的文化。
洪家馨/編輯