公視新聞網 https://news.pts.org.tw/article/699579
「日花」字體新設計 台語、客語、原住民語攏通用
發布時間：2024-06-11 19:15 更新時間：2024-06-12 08:33
王可萱 許猛 臺北報導
https://www.youtube.com/watch?v=YB7-KsBGNIM
本土語言這幾年愈來愈時行，有人學、有人用、有人看就有人投入資源去設計。為著予本
土語言的使用者佇咧做設計的時，字體會當有更閣濟選擇，有字體公司注心共一般捷用著
的台文常用字、羅馬拼音、佮其他母語、攏列入去設計，毋但拍字拍會出來，也希望傳達
、多元的理念。
這是由字體設計師陳冠穎設計的字體日花，除了中文漢字以外，一般捷用著的台文常用字
、羅馬拼音、客語、原住民語等遮的本土語言的文字嘛攏納入設計，設計師講設計的過程
，伊也參考濟濟臺灣20世紀中期進前的報紙，以頂頭的舊美術字做設計靈感。伊講因為全
球化的關係，四界看著的字體攏真相仝，毋過伊想欲去設計出有本土味、閣符合現代使用
需求的字體。
這个字體的開發，是由一間新創的字體公司透過群眾募資的方式咧進行，字體公司講家己
的工課是設計「臺灣字體」，既然號做臺灣，就應該愛包容濟濟佇臺灣人咧使用的文字，
所以對2015年開始設計本土語言的字體，到這馬已經開發出超過10个會當拍出本土語言的
字型。
本土語言這幾年愈來愈時行，有人學、有人用、有人看就有使用佮設計的需求，為著提供
閣濟選擇，設計師講，共多元語言的字納入設計，除了予有需求的人使用，嘛希望傳達尊
重多元的理念。
張曼亭/編輯