若我是會讓
甚至我根本袂去坐博愛座
因為足麻煩
講袂伸俥
若講欲按怎解決
真簡單
目前捷運會設博愛座
是因為身心障礙者權益保障法
第53條第3項 後段：
「未提供對號座之大眾運輸工具應設置供身心障礙者及老弱婦孺優先乘坐之博愛座」
問題是
既然是「身心障礙者權益保障法」
就無應該共「老弱婦孺」牽拖入來
因為「老弱婦孺」到底是啥？
少年人跛跤或者有心臟病敢算「弱」？
若老人佮這个少年人攏欲坐
啥人優先？
而且就算講無欲讓身障者先坐
敢有啥物處罰？
我是毋捌聽過
啊這个法是咧立心酸的？
舞甲傷複雜矣
老人坐捷運佮人衝突的新聞
已經幾擺矣？
欲徹底解決真簡單
法律應該共「老弱婦孺」提掉
改做：
「未提供對號座之大眾運輸工具應設置供身心障礙者優先乘坐之身障座」
用「身障座」的名
就清清楚楚
有身障手冊才會當先坐
人濟的時陣
坐位就是資源
相爭真正常
一定會搶
重點是
愛規定予清楚
予老百姓知影按怎做
莫舞甲遮複雜
法律座就法律座
莫創啥物道德座
莫去挑戰人性造成衝突
立法院較緊去修法啦
共博愛座提掉換做身障座
而且無欲讓位的
嘛愛增加處罰的法律
坐一下捷運爾
嘛會當舞遮濟代誌出來
真正是