公視新聞網 https://news.pts.org.tw/article/702522
新竹新樂軒北管"四點睛" 修復完成.展出文物
發布時間：2024-06-29 19:15 更新時間：2024-06-29 19:45
張君豪 / 新竹報導
https://www.youtube.com/watch?v=BY3Ve-Ovg-Y
新竹在地有百外年歷史的北管軒社「新樂軒」，是重要北管文化資產，其中佇陣頭上頭前
的彩牌、托燈、鑼桿、佮鼓架，閣予市府指定做古物。但是因為時間久，這寡古物開始有
損害，修復師2019年開始修復工課，最近順利完成。（這則新聞標題、前言、內文為臺語
文。）
修復師傅用細枝筅仔，沓沓仔共彩牌頂懸的颺埃清掉，過程中師傅目鏡頂閣掛著譀鏡，完
全毋敢大意，新竹長和宮傳統北管戲曲「新樂軒」，徛佇陣頭上頭前的四點睛，包括彩牌
、托燈、鑼桿以及鼓架，經過文獻調查研究、修復，這馬重現佇逐家面頭前。
新竹長和宮主委楊金土講：「北管出陣就是托燈做頭前、閣來就彩牌、鑼佮鼓，所以就有
鑼桿、鼓架按呢，這新樂軒有百年的軒陣，所以較早所雕刻出來的物件，因為年代久矣，
所以攏有淡薄仔損害
長和宮四點睛修復計畫主持人蔡雅蕙講：「先進行調查研究。才閣進行提報四點睛古物到
文化局，經過審查指定為新竹市一般古物後，就開始進行修復。」
負責修復的師傅指出，四點睛內底每一項文物，攏是超過百年以上的古物，尤其頂頭幼路
的雕刻，欲修復，有影困難度真懸。
文物修復師莊竣傑講：「佇選擇修復材料就愛真謹慎，譬如講我欲維持(古物)骨架健康的
情況下，就是結構安全狀況之下，去選擇適當的材料，但是這材料是會當移除的。」
所以這就需要去考量的所在
長和宮主委表示，修復好的四點睛，目前保存佇長和宮開放予民眾參觀，除了四點睛以外
，閣有展出真濟新樂軒的文物，in歡迎逐家做伙來認捌北管文化。
張曼亭/編輯