公視新聞網 https://news.pts.org.tw/article/712327
地動風颱衝擊花蓮 9-11逐月補助1千救觀光
發布時間：2024-08-29 19:15 更新時間：2024-08-30 08:30
鄭亞宣 許猛／台北報導
https://www.youtube.com/watch?v=h2i0FosSz5Q
歇熱期間，真濟民眾會到外縣市tshit-thô，毋過就有民眾感覺台灣飯店傷貴，而且品質
閣無一定好。加上花蓮大地動、凱米風颱的影響，去花蓮tshit-thô的民眾賰兩成。對此
，觀光署推出振興花蓮補助計畫，提供民眾佇9月到11月去蹛花蓮的飯店，攏有一千箍的
補助。（此則新聞標題、導言、內文皆為臺語文。）
訂房間的網站頂懸滿滿的選擇，毋過每一間價數攏佇2000箍以上。若是較高級的飯店，平
均攏愛10000箍以上。根據觀光署113年的頂半年的統計，台灣的平均房價是2885箍，比舊
年2956箍，閣較減71箍。雖然有較減，毋過真濟民眾攏感覺減無濟，無啥物感覺。
民眾朱小姐講：「佇臺灣tshit-thô不如去國外tshit-thô就好，因為飯店價數差無濟。
」
民眾吳小姐講：「兩个人大概2600箍，真濟足袂和，因為內面感覺環境衛生摒掃攏無摒掃
足好，就是價數有一寡袂和。」
台灣飯店、旅社貴參參，是國人甘願出國tshit-thô的原因之一。閣加上，花蓮大地動、
佮凱米風颱，去花蓮tshit-thô的民眾干焦賰2成，為著欲推動花蓮的觀光，觀光署推出
補助計畫，民眾佇9月份至11月份去花蓮tua飯店，政府逐個月會補助1000箍。
花蓮居民柯小姐講：「我是蹛花蓮的，然後我明顯感受著，像阮逐年歇寒歇熱觀光地點人
攏足濟，今年就是愈來愈少人，變足少。」
觀光署旅宿組組長曹逸書表示：「受著這个0403的地動閣有風颱，阮9/1到11/30(期間)，
逐个月攏會當使用一改(補助)，上濟補助1000箍。」
觀光署表示每一間業者的品質、佮服務本底就無仝。只要價數佇合理的範圍，政府會尊重
市場的機制。毋過政府會要求業者愛提升飯店、旅社的品質。觀光署嘛建議業者將旅遊結
合地方特色，增加國人的旅遊意願。
曹詠涵/編輯