錢就是資源
咱活佇世間
欲創啥攏需要資源
腹肚枵 愛食飯 飯菜油鹽就是資源
欲出去 愛坐車 車輛汽油電力是資源
欲上網 用手機電腦 遮的物件攏是資源
錢誠好用
除了歲壽
啥物攏用錢就會當換
其實講起來
健康嘛愛靠錢來維持
買好的物件食
開刀治療藥仔啥攏愛錢
只是有的人痟趁錢
痟甲顛倒反矣
連食飯攏無時間
提健康來換錢
按呢絕對袂和
是講這陣二十捅歲的少年仔
佮咱這沿想法無仝矣
甘願趁較少
會較重視生活品質
所以一寡3k頭路攏改請外勞
嘛無意外矣
人甘願趁較少
佇便利店吹冷氣詼妹仔
嘛無愛去工地熱甲欲死閣愛看師父的頭面