無可能
以咱八卦鄉民來講
逐个攏一個月趁三百萬
逐家敢有足幸福？
好
暫時莫討論八卦鄉民
一般食頭路的趁三、四萬
敢就比趁兩、三萬的較幸福？
幸福感佮你有偌濟錢無關係
佮你想欲挃偌濟
才有關係
你若趁三萬想欲用五萬
等你趁五萬閣欲買七萬
哪有可能會滿意、會感覺幸福？
是你的心決定幸福感
毋是錢佮物質這寡外口的物件
你確診咧發燒
規暝呿呿嗽、實鼻袂喘氣的時
若會當隨恢復正常
你就會感覺足幸福矣