對極惡質的人來講
「有教化可能」佮「有著頭獎可能」
仝款意思
就是一款理論爾
事實上已經接近無可能
敢會有人因為小明有著頭獎可能性
就先共獎金予伊？
先等伊誠實著頭獎矣
才予伊錢
嘛猶會赴
結果咱竟然因為這个惡人猶有教化可能性
就誠實免判死矣
這敢袂傷譀？
上無你嘛先證明已經教化成功矣
誠實做會到矣
毋是理論爾矣
才來講莫判死
按呢毋才合理
是講小明若無著頭獎(想嘛知影袂著)
閣會當向決定先予小明獎金的人討錢
若免判死結果惡人轉來社會閣再犯咧？
啥人有才調負責？
奇怪
是按怎講惡人有教化可能的
攏免為著惡人再犯來負法律責任？
這制度敢袂傷奇怪？