兩冬前
我飼16年的寶貝往生矣
這項代誌予我對人生想法改變真濟
嘛因為按呢開始接觸原始佛經-阿含經
進前雖然老矣
猶閣會當正常行路食飯
到欲走前一暗
煞雄雄爬袂起來
半暝因為尿放甲規身軀
我緊共換清氣的
伊就覆咧遐看起來足忝的
我想講伊可能欲走矣
就共講感謝你陪我十幾冬
你放心去
我會過了足好
免煩惱爸爸
隔頂工早起七點閣看著伊
目睭已經褫開開
注意共看腹肚猶有咧喘
我就緊敲電話予兄弟姐妹
google佛經放予聽
過無偌久就往生矣
規家伙哭甲
自細漢就予阮老爸對公園拾轉來開始飼
攏已經當做家人矣
所以看著這篇新聞
感覺真合理
正常
攏有感情矣