其實
好額人不管是聯考抑是多元入學
攏較有贏面
散赤人真濟爸母攏袂曉讀書
無可能去教囡仔功課
好額人就算講是田僑仔
嘛會當開錢請家教、予囡仔補習
毋過
若生著阿斗
閣較好額
考聯考嘛無救
所以對好額人來講
當然欲支持多元入學矣
對高中先生來講
嘛是多元入學的家己的權力較大
學校表現分數足重要
大學仝款
聯考是學生揀學校
若多元是我會當揀學生
當然嘛支持
簡單講
強勢的既得利益者
無分藍綠
攏會支持多元入學
多元入學：九品官人法
聯考：科舉
上品的世族當然欲多元入學
才無愛佮咱同齊參加科舉