※ 引述 《ll6a (老成a~)》 之銘言：
: 標題: [問卦] 會有社工把個案逼自殺的嗎
: 時間: Thu Nov 21 17:23:38 2024
: 　
: 我只聽過有屁精社工利用職務遍歷散播愛滋
: 　
: 畢竟社工本質工作是讓人心理健康正向
: 　
: 至於本來就有病疏導失敗的不算
: 　
: 畢竟重度憂鬱症好的概率也不大
: 　
: 但有沒有那種故意施加個案壓力
: 　
: 一步步引導個案自殺的惡質社工
: 　
: 我很好奇
: 　
: 　
: 　
: 0.0..
你誤會矣
社工跟諮商師、心理師任務無仝款
心理師的工課
是針對人的精神抑是適應困擾來治療
怹足注意案主的內心世界
若社工是徛佇社會系統的角度
去協助案主改善生活
予案主過了較好
當然就像你講的
生活改善以後
心理壓力嘛袂遮大矣
譬論講一個囡仔定定無來學校
來學校嘛佮同學攏鬥陣袂來
成績、人際關係攏受著影響
這陣心理師介入敢有幫助？
有
毋過其實這真可能毋是學生個人的問題爾
所以社工去佮老師了解
嘛去學生怹兜家訪
發現怹老爸咧坐監
老母咧食毒
這个囡仔其實無人咧差教
所以社工就替伊揣各種社會資源
譬論講寄養家庭/機構
聯絡課業輔導的志工等等
來改善這个囡仔的社會環境
當然社工嘛有基本的心理輔導能力
咧佮囡仔講話時
知影按怎講會當予伊接受甚至就改變想法矣
所以佇美國
有一寡社工甚至變做專門咧做心理治療
號做臨床社工
怹是美國做上濟心理治療的專業人士
比心理師閣較濟
猶毋過
這佮美國心理師愛讀甲博士+人數較少+收費懸有關係
所以保險公司較愛予人數較濟+收費較低的社工來做
台灣佮美國無仝款
台灣心理師是碩士學位
人數無像美國遮少
而且台灣人無心理治療的文化
所以心理師數量已經有法度應付市場需要矣
台灣社工自然就袂像美國按呢
專門做心理治療矣
講真正的嘛無閒去舞彼啦 (^ ▽^ )
社工 心理師攏真重要
各有無仝任務佮關心重點
參考看覓