講著春聯
因為恩主宮逐年攏會送真媠的春聯
所以領春聯的人足濟
愛排真久
我今年貧惰排
就趁人較少的時間去
結果攏送完矣
拄好看著有信眾提春聯
伊共我講辦事處閣有
我就過去想欲領兩份(替人提一份)
效勞生阿婆講一人限領一份
我心內想講
橫直我掛喙罨
等下過五分鐘我外套褪落來
假做另外一個人閣去領就好
等誠實欲做的時
想想下這等於是欺騙神明
而且是我的貪心所造成的(造業)
其實我已經領一份矣
其他的留予別人領嘛真好
行出廟以後
一个騎機車的中年人共我閘落來
問春聯敢是咧恩主宮領的？
講伊頭拄仔入去無看著會當領
我共報領春聯的方法佮所在
伊共我說多謝就騎走矣
我決定無欲騙人
結果隨有人來共我說多謝
閣誠拄好 (^ ▽^ )