: 自由意志指的是人類能夠自主選擇和決定行動，而不受外部或內部決定因素的完全控制。
: 　
: 有些哲學家和科學家認為人類擁有自由意志，因為我們能夠做出選擇並對自己的行為負責
: 。這種觀點通常被稱為「自由意志論」。
: 　
: 然而
: 　
: 各位覺得人類真的擁有自由意志嗎???
看你欲徛佗一个角度來討論
哲學、宗教、科學攏有怹的道理
若以我的信仰-原始/早期佛教來講
我相信有自由意志
佛祖講：
無明->貪瞋痴->身口意->造業->輪迴(苦)
所以想欲脫離輪迴就愛訓練
去觀察家己身心狀況
訓練甲貪瞋痴的心一出來就隨發現
就有機會去阻擋
莫予伊發展變做造身口意業
所以佇佛教的立場
咱當然有自由意志
會當阻擋無明所產生的貪瞋痴這个力量
若科學的部分
上出名的是美國神經學家Benjamin Libet
佇1983年做的實驗
伊發現佇咱決定欲做一項動作進前
大腦就已經先產生信號矣
這佮咱本來掠做：
決定->大腦產生信號->身軀動作
顛倒矣
所以主張決定論的人
就根據這个實驗結果講人其實無自由意志
毋過其實Benjamin Libet本人有講過
伊認為人猶是有自由意志的空間
因為大腦產生信號
佇身軀動作進前
咱猶是會當決定無愛照做
這个部分就是自由意志
落尾嘛真濟科學家質疑伊的實驗
當然嘛有贊成的
攏有道理
我只是感覺佛祖有夠厲害
佇彼个時代
竟然有法度觀察甲遮清楚