: 心經裡面說 色不異空 空不異色
: 現在的躺平族也是超脫到如此境界
: 發現這世界的一切都是會消失的
: 人類無法抵抗熵增現象
: 在資訊爆炸後
: 現在的躺平族就等於以前的佛教徒？
: 認為人生而受苦，無法逃避生老病死的折磨。
: 大家怎麼想呢？
完全無仝款
差真濟
你講的色不異空 空不異色
這應該是大乘佛教心經的內容
我無了解
我接觸是原始/早期佛教
佛祖教咱
人是五蘊(色受想行識)暫時的結合爾
所以色(物質)無常、無我
無永遠不變的色身
色身當然嘛無"我"佇內底
而且受、想、行、識(心理活動)嘛仝款
嘛是無常、無我
所以
凡勢這佮你講的“色不異空 空不異色“
是表達差不多的意思
若講"躺平族"
這我就確定
佮我了解的佛教完全無仝款矣
“躺平族“就我的了解
是伊發現無論按怎拍拼
攏無法度買好厝、趁較濟錢、過較好的生活
所以規氣放棄
所以"躺平族"伊毋是無愛彼寡物件
伊足愛
伊是因為知影無法度改變現實
所以用"躺平"的方式來回應
伊心內猶是真痛苦
若這陣予伊著一億獎金
伊會隨跳起來
去買伊愛的物件過伊理想的生活
去滿足伊的各種貪瞋痴
這佮佛教徒追求的離欲完全無仝款
參考看覓