我家己是信佛的
相信因果業報
你按怎做
就按怎受
一定有報應
今仔日法律早就寫佇遐
你做了犯死刑的代誌
當然會判死刑
是你家己決定欲夆判死刑的
袂當怪法官
廢死講甲誠好聽
“我們沒有權利去結束任何人的生命“
按呢廢死嘛應該推動廢除監獄佮有期徒刑矣
因為咱嘛無權利去限制別人的人身自由啊
是按怎拄著死刑就雙標矣？
今仔日這个人做出這款惡極的代誌
已經嚴重到必須愛將伊和社會永遠隔離矣
你閣主張廢死
予伊繼續害人
遮的被害人
怹的人權閣佇佗位？
若誠實遮爾注重人權
佇推動廢死的同時
更加愛推動無假釋的無期徒刑
予遮的惡魔袂閣出來社會害人
問題來矣：
敢有啥人看過廢死咧拍拼推動無假釋的無期徒刑？
這陣台灣猶無無假釋的無期徒刑
對犯死刑罪的人判死刑而且執行
就是咧救閣較濟人