陳茵媺懷孕三個半月 依然踩四吋高踭鞋亮相
【on.cc東網專訊】陳茵媺身穿TUBE DRESS出席Mikimoto X Hello Kitty高級珠寶展開幕
酒會活動,並宣布懷孕三個半月。現場所見,茵媺狀態大勇,手臂及上半身依然纖瘦,只
是腹部微隆。雖然已經有咗三個半月,但茵媺仍腳踏四吋高踭鞋現身,認真愛靚唔愛命。
未知第二胎性別
陳茵媺一現身便四萬咁口「多謝大家」,問到腹中baby性別,茵媺表示:「仔女未知,不
過心情好興奮,想小朋友之間年齡唔好差咁遠,想佢哋close啲。(想要細佬定細妹?)
無所謂,細佬可以陪大哥做男仔嘢,生女可以畀哥哥保護細妹,依家有一個半小朋友都唔
易,做媽媽好辛苦。」問到之前因抱B而發炎的手是否已痊愈,茵媺說:「未完全康復,
不過抱過第一個有經驗,唔擔心,會小心啲。屋企啲BB嘢都係我自己做,好似沖涼、換片
、餵BB食嘢,所以想第二個都自己做番!」
強調會繼續工作
問到老公陳豪是否努力賺錢?她笑謂:「佢好努力,我都好努力。(為BB停工?)我會繼
續做嘢同出活動,因為我鍾意演戲,鍾意做嘢,坐喺屋企唔係我性格。但要顧咗家庭先,
之後再做番嘢。」
問到在活動中宣布有喜,酬勞是否很高,她表示:「我唔係睇錢,只係開心SHARE。」問
到佗第二胎有否害喜現象,她說:「有嘔,最重要係依家要照顧一大一細,有啲攰,比之
前辛苦。(嘔多咗?)無咩唔同。不過平時我可以瞓十五個鐘都無問題,但依家有小生命
篤我。」她又指現在終於感受到做媽咪的偉大,她又指有跟九個月大的囝囝提及懷了第二
胎,並承認這次懷孕是計劃之內。
讚脹版陳豪依然咁型
再問是否老公陳豪不想她外出工作,所以加快再造人計劃,茵媺說:「老公都支持我做嘢
,我無打算唔做嘢,不過要做嘢同家庭平衡。」談到老公近期增磅,茵媺即力撐愛夫謂:
「佢陪我一齊肥,但我其實唔覺佢肥咗,佢依然咁型。佢係PERFECT IN MY EYES。」她又
指九個月大的MO仔試過發出類似「媽媽」的聲音,令她很心甜。
Source:
http://ppt.cc/WMSJ