ViuTV主打真人騷 拒簽長期藝人
【on.cc東網專訊】 ViuTV下月6號正式開台，其製作部副總裁金廣誠亦有出席尖沙咀搞的
發布會。談到開台劇《瑪嘉烈與大衛》找來了林保怡和周家怡坐鎮，與林保怡頗有交情的
他，指對方二話不說即應承幫手，問何不再請邵仲衡，他就指想有新鮮感：「佢同
Scarlett（黃心美）嘅會搵另一樣嘢延續。（邵仲衡冇問點解唔搵番佢？）冇冇冇，某程
度佢都知有啲嘢可以停一停。（佢不滿？）冇呢個問題。」
講到頻道以真人騷為主，他就指這是頻道方針，亦會花大量時間研究不同種類的真人騷：
「未來將新嘢帶畀觀眾！」講到林保怡、馬浚偉等均簽部頭合約，問會否簽長期藝人，他
就指藝人該由各機構共同擁有：「做得開心嘅就自然會返嚟。」
接收亞視員工
談到亞視面臨倒閉危機，他指作為一個電視人倍感可惜：「少咗個平台就少咗個出路。（
亞視執之後你優勢大咗？）絕對唔會咁樣諗。」問若亞視提早在停牌前倒閉，會否提前接
棒，他就指未有這個打算，但已經接收了不少亞視幕後員工。
問會否爭取大型頒獎禮轉播權，他就指會傾。至於以後動向，他就指目前打算先以綜藝節
目為主：「劇集方面就搵咗啲好嘅劇本之後先去拍。」另外，他亦表示4月6日開台日就會
開始計收視點。
http://goo.gl/23bWKS
《天與地》後絕迹香港視圈 保怡終復出
【on.cc東網專訊】 免費電視頻道ViuTV將於4月6日正式開台，今日ViuTV免費電視99台在
尖沙咀舉行節目發布會，公布節目內容，藝人林保怡任主持，周家怡亦有出席。
讚拍法嶄新
席上兩人宣布將參演開台劇《瑪嘉烈與大衛》，飾演情侶，保怡表示因劇本吸引而「復出
」，他直言被原著小說感動：「拍法係令我意料之外，我要小心去適應佢哋拍法，我都要
改變自己做法，佢哋有好新導演，鏡頭、攞位都好新，我可能都會被考起！（開始咗拍？
）拍咗上一部分嘅Ending，承接之後繼續落去。」對於有指早前有關邵仲衡及黃心美的部
分，因「麻麻哋」要重拍，兩人表示未有聽聞，周家怡說：「有講過話麻麻哋咩？唔知喎
！但我哋會畀心機拍！我想試新嘢，香港觀眾會有共鳴。」
認酬勞有誠意
林保怡表示自拍攝無綫劇《天與地》後未再有演出，不少街坊都八卦其新動向，他說：「
我仲同佢哋講話自己退咗休，咁我依家復出喇！（簽幾多部？）今次只係簽一部，拍26集
。（重金禮聘？）er…好有誠意，我只係簽香港版，如果套劇第時去海外播，我會再有錢
。」家怡則表示未能透露酬勞，但很高興能與保怡合作。
唔排除返無綫
對於羅嘉良返無綫拍劇，問到林保怡會否也考慮再拍無綫劇？他說：「其實一直有接觸，
只係未度到靚期，有機會嘅。（劇本都有關？）可以話係有改進地方。（今日似足ViuTV
一哥喎！）唔係因為開台劇先拍，係純粹覺得劇本好，我係演大衛，個的士司機。（有親
熱戲？）除咗呢啲，可能有啲枱底撩腳呢類細微嘢。（收視期望？）不嬲冇理，自己估唔
到，當年《金枝慾孽》都估唔到咁得。（怕邵仲衡嬲你好似頂替佢咁？）邊諗到咁多，搵
casting嗰個搞掂佢。」對於亞視將倒閉，問到參與ViuTV會否覺得有優勢？兩人笑言「呢
條問題好深」，並表示未有此想法。
http://goo.gl/ZqvILd