https://goo.gl/0Qywgh
【拍檔變對手】網民最想《101次求婚》拍電影版　傳松隆子10年後再拍劇
2016年10月19日07:00 sina新浪香港
最近有唔少日劇播完後，宣佈拍電影版。好似上戶彩同齋藤工合演不倫劇《晝顏》咁，播
完兩年後就落實開拍電影版。有機構食住個勢，訪問一班二十幾至三十幾歲嘅上班族，叫
佢哋選出最想拍成電影版嘅90年代「月9」劇！
結果第一位由武田鐵矢及淺野溫子合作嘅《101次求婚》奪得，有人覺得呢段美女與野獸
嘅感情好純真；而排第二嘅係木村拓哉同山口智子嘅《悠長假期》；第三嘅係1993年福山
雅治同酒井法子合作嘅富士劇《同一屋簷下》；至於另一套港人熟悉、由木村拓哉同松隆
子合作嘅《戀愛世紀》就排第六。
出年就係《戀愛世紀》播出20周年，女主角松隆子近十年都冇接拍連續劇，不過呢日有報
道指，佢即將同滿島光合作一部由荷李活片《末路狂花》（Thelma & Louise）改編嘅新
劇，套劇出年一月喺TBS電視台播出，不過同期就有昔日拍檔木村拓哉嘅新劇《Get
Ready!!》上演，到時就會由「拍檔」變「對手」，來季嘅收視之戰真係好有睇頭！