老黃在FB預告了新作《大聖未來》，順便解釋為什麼神兵外傳是雙周刊，目的是為了留時間製作新作。
新作會採用全新的出版模式，雙周刊每期150頁。雖然故事要有新意有難度，但老黃為港漫續命這份心真的值得敬佩。
以下是原文：
玉郎雙周
各老友記又見面喇，神兵外傳之所以會變做雙周刊出版，因為我要留啲力，留多啲時間畫新書，新書書名叫《大聖未來》。
大聖，齊天大聖是也！
現在《大聖未來》已經製作了兩期，你估吓有幾多頁？夾埋接近300頁！這套稿的稿量，比之$25的薄裝書龐大好多好多好多！皆因今次《大聖未來》是釘裝與印刷都非常靚仔的厚裝書，是新做法，新嘗試。
《大聖未來》預算是雙周刊，每期厚達140～150頁，厚裝本是食稿怪獸，每期所需稿量，鋪滿一張會議室12人大枱，可鋪叠4、5層以上(有圖為證，絕對沒有誇大)。
今次創作《大聖未來》超級認真。因為是要為港漫開創一個新型式，並非傳統港漫薄裝書度，改用精美厚裝書度出版，話到明「精裝」，故事内容之豐富，多出起碼300%(有多無少)，畫面精細自是必然，還有一個重大優點，就是很具有收藏價值，不再像薄裝本，看完後摺叠插在褲袋上，收藏翻睇都唔夠方便，厚本《大聖未來》可以細味欣賞，然後好好珍藏，將來儲埋一套，可以贈給親友，並且有機會賣個好價錢。
《大聖未來》幾時出版呢？暫時未有落實時間，因為今次我要絕佳質素，做到十二分滿意(十分也不夠)，配合好時機才會推出，現在是「撚稿」階段，要做到超級好睇，敬希大家俾啲耐心，等等喇。
至於為何選擇孫悟空這經典IP做主角呢？且待我下期話你知，拜拜！
#玉郎有請 #玉郎漫漫King #神兵外傳 #神舞天誅篇 #黃玉郎