※台文戰線雜誌社fb
第 68 期：【台語科普文學】專題。
科普這兩字若共拆予詳細，做「科學普及」的解說，抑若欲普及到啥物程度？咱閣掠伊另
外一个名稱─「大眾科學」來看，按呢就有夠明顯矣。欲共某一部份專業研究的智識，轉
化變做普遍百姓會當吸收的日常，有影是一件大工程。
論起「科普」的重要性，是直接關係著語言、文學的進步佮創新。台灣受日本殖民影響，
大量引進西方科學、醫學技術，連帶紲落到國民政府初期的仕紳，佇思想、文化方面攏受
著真大的啟示。若各位有咧研究現代台語，就會發現，真濟當時代所產生的詞彙，幫助咱
了解彼當時對新世界的想像佮塑造；透過這種多元的對話，進一步來發展文化運動，就可
能產生超大的能量。
時代繼續進步，而且變化愈緊，人講這馬拄搪「資訊爆炸」的時期。毋過，佇台文的創作
內底，科普討論的題材嘛有影罕見。身為海洋國家的台灣，已經拍在半導體、晶片國的地
位，但有才調捏牢世界高科技的嚨喉空，無書寫的理路來引 tshuā，就注定行袂到大眾
的日常。第 68 期【台語科普文學】專題，阮邀請各位共同來分享，「上知天文、下知地
理」跨領域的討論！請共你的作品寄予阮！
當然，也仝時歡迎其他台語的評論稿佮創作稿、非專輯的稿件；【台語科普文學】專題，
邀請逐家用書寫的行動來參與。請佇 08/25進前，共你的詩、散文、小說抑是文學評論作
品寄到：[email protected] 編輯室收。