歡迎你來到台大,阮是第35屆國立台灣大學學生會。
拄入來台大做學生,你凡勢想欲趕緊熟似這塊資源十全兮 校園。佇遮,你母但會了解學校
兮環境給制度,閣有閣來 這幾年,您會按怎佇这个學校内生活。
校園生活自底著母但掀冊讀書、提煉智識,閣有無上 課兮時陣,咱按怎來使用校園環境;按
怎同學來交陪、 插社團、辦活動;按怎佇逐種上課个制度內底拺自己愛兮 課程佮提著肯
定。你會知影做學生會當有真濟行動試 驗兮機會,煞原仔受到「學生」還个身份兮限制。
佇大學,咱更加欲去學習按怎成做一个公民。學校愛按怎 規劃才會符合咱學生兮需求?學
校敢會當看著學生/社團活 動兮價值?凡此種種,攏是咱入來大學了後,更加有通仔 去參與
、改變兮,而且還嘛是學生會今做兮代誌。
咱討論對學生仔來講啥物是較理想兮學校生活,佇佮學 校交涉兮過程中,咱學習兮正是建
立理想公共生活兮能力 。母過,佇這个討論過程中,袂當伴母知兮代誌是,咱有 無仝階級
、無全家庭出身,逐个人兮生命經驗攏無相仝 有當時仔想法差距天差到地咧,會造成咱相
諍。猶母過 當咱理解咱兮處境是相像兮,解決問題需要專業,嘛更加 需要逐種無仝經驗兮
參與參詳,咱著有可能來相了解。
透過公共參與,咱更加有機會看著身軀邊佮咱做伙生活 全一塊校園兮人,有偌大兮異質性,
也才有機會熟似這个 「校園、這个社會誠實兮模樣,猶閣有逐个無仝生命經驗 下跤看著
兮面模。
所以,歡迎逐家加入台大學生會。 咱做伙來熟似校園,做伙建立理想兮校園生活。
學生會會長 孫語謙 謹致
好精障喔