作者: CCY0927 (茹絮夢) 看板: Gossiping
標題: [新聞] 臺灣通訊科技發達 外貿協會欲推展無人機產業
時間: Thu Aug 29 12:50:30 2024
公視新聞網 https://news.pts.org.tw/article/712151
臺灣通訊科技發達 外貿協會欲推展無人機產業
發布時間：2024-08-28 19:15 更新時間：2024-08-29 08:21
https://www.youtube.com/watch?v=g3k-mXX3aK0
露烏戰爭發生了後，世界各國軍方攏真關注軍用無人機的技術。佇商業市場，也咧使用無
人機代替人類到危險的環境進行任務。台灣因為資通訊設備、mòo-tà、電池等等產業發
展真好，國產無人機技術也真受關注，無人機產業也列入總統賴清德的「五大信賴產業」
當中。外貿協會這陣拍算幫助國內無人機廠商，通予世界關注、進軍國際市場。（此則新
聞標題、導言、內文皆為臺語文。）
露烏戰爭發生了後，世界各國軍方攏真關注軍用無人機的技術。佇商業市場，也咧使用無
人機代替人類到危險的環境進行任務。台灣因為資通訊設備、mòo-tà、電池等等產業發
展真好，國產無人機技術也真受關注，無人機產業也列入總統賴清德的「五大信賴產業」
當中。外貿協會這陣拍算幫助國內無人機廠商，通予世界關注、進軍國際市場。
對天頂的角度，無人機會當自動鎖定目標，調整角度綴咧翕。這是國內無人機廠商的技術
，露烏戰爭發生了後，無人機技術真受軍用市場關注。
無人機廠商技術研究發展中心技術長楊富森表示：「不管是日時抑是暗時，這是紅外線，
攏通共作戰的目標標定、甚至破壞。烏克蘭因為這个產品，用真低的價數去共幾百萬美金
的坦克毀掉。」
除了軍用市場，也有其他國內無人機廠商針對商用用途開發有視覺辨識功能的無人機，通
幫助人類到危險的所在進行巡檢任務。
無人機廠商執行長李志清講：「像各位看著的，這是室內巡檢的無人機，阮其實有閣較大
型的室外巡檢的無人機，主要是用佇橋梁巡檢，也有太陽能廠抑是風力發電的巡檢。」
世界無人機商機快速發展，外貿協會統計，2022年無人機產業產值有306億美金，估計
2030年會成長到558億美金，in希望共台灣的無人機行銷到國外。
對外貿易發展協會董事長黃志芳講：「咱佇中東歐的友邦，親像立陶宛、愛沙尼亞，in攏
真希望台灣會當參in進行無人機方面的合作。」
外貿協會表示，無人機產業也包括佇總統賴清德提出、欲推動發展的「五大信賴產業」當
中。外貿協會紲落來會透過舉辦國內展覽、參與國際活動、邀請外國廠商等等方式，推
sak台灣的無人機產業。
記者 郭柏均 林郁凱 台北報導
盧元媜/編輯