絕對是運動
減食若有遮簡單
就無大箍人矣
其實減食是上有效的
毋過減食愛對抗心理壓力
你大食慣勢的人
雄雄欲開始減食
會規工攏感覺足枵的
所以真濟無愛運動
干焦欲靠減食的人
最後攏擋袂牢
減肥失敗
不如正常食
心理壓力袂遮大
閣來配合運動
按呢長期效果閣較好
運動其實足簡單
一開始行路就好
而且袂使講我今仔日狀況較好就行足遠
袂使按呢
先固定行一段時間
譬論講行20分鐘就停
逐工攏輕鬆行路
培養運動的習慣
等行慣勢矣
才來慢慢增加
看是欲行較緊(仝款20分鐘)
抑是欲增加時間到30分
攏會使
減肥是長期的代誌
實際上是生活習慣的改變過程
愛時間來調整
愛家己做會到的才會成功
靠運動減肥才會健康
加油