其實朋友欲交隨時攏有
差佇講：你敢有意願？
細漢時陣
尤其是小學國中
你一定愛去學校
而且是規工攏佇學校
按呢真自然就會佮人足熟的
差不多上大學開始
選課攏真自由
有真濟同學是考試才頭一擺看著
出社會以後閣較免講
上班是為著生活
哪有心情去交朋友
逐家莫相害就真好矣
所以頭一个是無彼落心情
第二就是無時間
所以其實你家己嘛無啥物意願去交新的朋友矣
這陣真濟人上網路熟似人
毋過無簡單
因為恁生活無交插
所以欲透過網路交朋友
除非是你有興趣的網路社團
譬論講你愛騎孔車
佇孔車社團開講抑是相招出來騎
按呢就一定會交著矣
欲揣對象嘛仝款
除非你生做真好看
無真正莫浪費時間耍交友app矣
參加社團較緊