: 這個問題很詭異
: 不過假如你們有超能力
: 可以看清楚現在追求你們的人
: 上輩子是你們的爸媽
: 而且都能回憶起當初相處的感覺
: 會覺得有隔閡嗎？
: 　
: 我覺得有很多人是幻想能接受
: 或是根本就是不同的愛
: 轉變成親情的那種愛
: 有這種轉變能夠走得下去嗎？
妳若誠實有這个能力
會當知影衆生輪迴去佗位
這表示講
妳嘛會當確定
這个逐妳的人
伊毋但是妳頂世的爸母
而且閣有可能是妳頂頂世的囡仔、冤仇人
甚至是妳某一世所飼的狗、貓
妳敢會對精牲產生愛情？
所以佛教才會講
人會一直輪迴
佮愛有真直接的關係
因為你目睭看著 耳仔聽著
了後產生愛佮無愛
對所愛的就產生貪心
對無愛的產生瞋心
煞落來就一直被遮的情緒控制
所愛的得袂著 痛苦
討厭的閃袂離 痛苦
煩惱就是對遮來的
嘛是因為遮貪瞋癡所產生的力量(業)
予咱死了後
閣會繼續輪迴 繼續受苦
所以妳這个問題其實真好
世間的愛本來就是按呢
本質上就是家己的幻想
所以若無感受著愛情
嘛無一定無好
因為愛佮苦就是仝一件代誌
誰先到(先發覺著佗一个)爾