其實這就是雙方對好朋友的觀念無仝款
妳感覺講
妳對伊好 伊嘛愛對妳好
按呢才是好朋友
伊感覺講
妳對伊好 伊足歡喜
按呢就是好朋友矣
所以妳一直對伊好
伊就歡喜 嘛一直會揣妳
伊是誠實共妳當做好朋友
差佇講
伊無欲對妳真好
所以伊叫妳幫忙揣人客
伊知影妳想欲伴嫁
嘛無欲揣妳
按呢的關係
一般是無法度接受
因為人攏是互相的
所以妳這陣若決定無欲閣來往
嘛會當理解
我想欲講的是
是按怎妳會佮伊做伙遮濟年？
這一定有原因
這个原因妳愛揣出來
無後擺真有可能會繼續閣佮這款的做「好朋友」
其實對伊來講
顛倒會感覺妳足奇怪
哪會雄雄攏無愛聯絡矣 (^ ▽^ )