我顛倒感覺這陣無想欲結婚
是真正常的代誌
較早是按怎一定會結婚？
因為農業社會查某人若無嫁
佇社會真歹靠家己生活
後來變做工商社會
其實查某人已經慢慢開始有法度靠家己食頭路矣
只是講拄對農業社會過渡入來
觀念猶是受序大影響
猶是會急欲結婚
這陣無仝款矣
包括爸母在內
逐个攏是工商社會大漢的
妳有才調靠家己去上班生活
爸母嘛袂逼妳一定愛結婚
而且社會開放
免結婚嘛會當發生性行為
按呢除非妳想欲生囝
必須予囡仔一个家庭
才會考慮結婚
生活費 性
攏免透過結婚就會當滿足
按呢這馬的查某人袂真愛結婚
無意外