施打時間：2021/08/25 13：05
施打地點：頭份 為恭醫院 仁愛院區
施打廠商：高端
施打心得：
本文為代po
干焦有鼻過敏。小寡大箍。晏睏。胃腸無好，有潰瘍過，毋過最近兩禮拜真好
因為欲注射，平常無食啥物早頓，今仔日有刁工加食早頓
因為有閒加上佇預約平台，明明寫佇仁愛院區，地址煞寫總院的（毋過干焦隔一條路爾爾
），著想欲提早去確認，嘛驚事前手續誠濟。結果12：20的時陣仁愛院區的警衛講：「是
在這裡打啊！你太早來了啦！」我著講拄好有閒，伊著唱講：「你有空，別人要休息啊！
」奇怪，我著無講來著愛隨注射，毋知為啥物欲唱聲
一點偌開始報到。無想著有幾個老大儂來注射。我掠準苗栗的老大儂干焦愛Moderna.
醫師有看診。看了著注射。注射會疼，毋知為啥物真濟儂講袂疼。毋過袂蓋疼，合抽血仝
款
注射了後無症狀，著等15分鐘著離開。觀察區無時鐘，愛家己提手機仔，對拄仔注射了嘛
無錶的儂無方便。暗時看別儂的心得文才擱發覺病院無磅血壓、酸素，嘛無紹介回報系統
，所以我著無回報。當然嘛無紀念品。我寫出來毋是欲批評，只是希望逐家互相學習，愈
來愈好
轉去食中晝，因為有加食早頓，所以有食較少，毋過無枵。了後繼續上班。佇五點半有感
覺注射的手小寡手麻，毋過無確定是毋是姿勢造成的。七點的時陣感覺小寡寒，毋過無確
定是毋是無開冷氣，流汗造成的。有磅體溫，佮佇病院磅的仝款。手麻、畏寒真緊著無矣
十點的時陣感覺無聊，著揤注射的所在，感覺小寡疼。第二工的bu-lá-tsiâ（胸罩）
無好一直壓著注射的所在，毋過無蓋疼。暗時足想袂食冰著破戒有食。第三工下晡兩
點發覺白帶誠濟，毋知是毋是副作用。後來佳哉著無矣。暗時九點，發覺揤注射的所在嘛
袂疼
尚煩惱的胃腸副作用竟然無，真歡喜。想欲早睏毋過動作慢，無法度，毋過嘛是無特別愛
睏，佮平常仝款
選高端的原因是目前干焦相信蛋白質疫苗。其他新技術愛時間來確認，無法度。個人認為
緊急狀態二期過著會使全面使用
※以下不得刪除※
我聲明上述資料均為真實，若有不實，可能違反傳染病防治法及嚴重特殊傳染性肺炎防治
及紓困振興特別條例相關規定。
嚴重特殊傳染性肺炎防治及紓困振興特別條例
第 14 條
散播有關嚴重特殊傳染性肺炎流行疫情之謠言或不實訊息，足生損害於公眾或他人者，處
三年以下有期徒刑、拘役或科或併科新臺幣三百萬元以下罰金。
傳染病防治法
第 9 條
利用傳播媒體發表傳染病流行疫情或中央流行疫情指揮中心成立期間防治措施之相關訊息
，有錯誤、不實，致嚴重影響整體防疫利益或有影響之虞，經主管機關通知其更正者，應
立即更正。
第 64-1 條
違反第 9 條規定者，處新臺幣十萬元以上一百萬元以下罰鍰。