恭喜！恭喜！樓仔厝一間一間起！
請你入大廳，做人成功好名聲！
請你一杯茶，身體健康無問題！
請你食甜甜，事業發達趁大錢！
請你食鹹鹹，做人做事無人嫌！
請你食瓜子，有情有義人歡喜！
請你食塊餅，恁兜代代出好囝！
請你來食棗，愛情學業逐項好！
請你食甜粿，萬事如意食百歲！
請你食塗豆，心情快活攏袂老！
請你食麻糍，祝你年年大趁錢！
請你食貢丸，祝你現金開袂完！
請你食水果，祝你一日好，二日好，三日閣較好！
新年坐甲圓圓圓，予咱逐家平安幸福好過年！
看著你真歡喜，祝你平安過日子！
喙愛學予甜甜甜，予你好緣結甲滿厝邊！
緣愛結予深深深，看著你就起歡喜心！
緣愛結予透透透，你行到佗位攏會到！
心好命好喙閣好，榮華富貴長躼躼！
老中『ろうじゅう,ロウジュウ』。