專訪︱陳奕迅親自感受新歌魔力　自認變得眼淺：10年前唔會咁！
https://tinyurl.com/yx9ggo7x
撰文：劉傳謙 2020-10-21 20:09
陳奕迅（Eason）繼早前翻唱2001年代表作《Shall We Talk》後，近日推出全新廣東作品
《致明日的舞》，並在今日（21/10）於各大音樂平台上架。早前Eason透過視像會議形式
接受《香港01》訪問，期間更不時哼起新歌，表現得相當雀躍。
親試新歌魔力：聽完心情會舒服啲！
新歌由林家謙作曲，Oscar填詞，旋律輕鬆悠然，令人聽起來感到舒暢，而且有種釋懷的
感覺。他亦分享自己聽新作時感受到的魔力：「嗰日一起身，心情唔知點解唔係咁好，好
似係特登畀個機會我試下，聽完係咪真係好番。我聽完第一次都仲係有啲唔開心，之後再
聽多次，都唔係好開心，但係好似有啲幫助；再聽第三次，又真係會舒服啲，始終個節奏
同旋律的確可以令我放鬆。」
Eason坦言，每次聽到《致明日的舞》都會覺得感動，但背後反映自己在情感上出現變化
：「我相信廿年前，或者十年前都好，都唔會有呢種感覺。係咪人大咗會容易喊啲呢？點
解會感性咗呢？到依家我會多咗呢啲疑惑，可能係年紀大啲，經歷多啲，人就會容易有感
受，同理心都愈來愈大。我以前好鍾意講笑，但係個人開始認真咗，但係依然唔想咁嚴肅
。」
https://i.imgur.com/Vf84jUo.jpg
圖：Eason坦言，現在每次聽到《致明日的舞》都會覺得感動，但十年前的自己絕對不會有
同樣感覺。
欣賞林家謙作曲才華：佢係天才！
談起今次與林家謙合作，他透露自己近兩年都有互相聯絡，在聽過他的作品後，認為對方
非常具音樂才華：「我覺得佢把聲好特別，啲歌係寫得好好，佢係一個天才，無師自通，
都冇乜點學過（作曲），好叻仔，所以好想同佢合作。」他又笑指自己年紀漸長，希望與
新生代音樂人合作：「記得潘迪華姐姐講過：『我都咁上下年紀，梗係同啲後生嘅人玩下
。』我覺得呢樣嘢好啱，既然林家謙同Oscar都係後生仔，就搵佢哋啦，依家都仲有啲歌
傾緊點玩。」
經過今次合作，Eason認為林家謙和Oscar思想已經十分成熟，在他們身上看到一份衝勁。
談起林家謙的作品，Eason直言每一首歌都愛聽，當中尤其喜歡他的出道作《下一位前度
》，他說：「有一排個人燥底，但係我一聽前奏嘅鋼琴聲同弦樂，我即刻放鬆晒，唔知點
解，呢首歌對我嚟講好自癒，令到自己即刻冷靜咗。」他亦聽過《特倫斯夢遊仙境》，認
為Oscar筆下的歌詞有趣，寫出年輕人的活力。
https://i.imgur.com/fufJ4MT.jpg
圖：除了《下一位前度》，Eason亦喜歡《拼命無恙》：「佢嘅風格唔似一般成日聽到嘅廣
東歌。」
為免影響心情　不再長時間睇新聞：知道有件事發生就得
《Shall We Talk》和《致明日的舞》同樣以都市人的精神健康出發，前者希望鼓勵聽眾
打開與身邊人的溝通隔膜，而後者則以舞蹈比喻人生，為明天跳出新希望。被問到是否有
意透過作品喚醒市民對精神健康的關注，Eason坦言自己從未想過，但發現自己不自覺地
想深入了解精神健康問題，他又指：「有時只係想喚醒大家，唔好標籤精神病患者，覺得
佢哋有某一種反應同思維，你點知自己冇呢？」
被問到如何在現時社會氣氛下保持樂觀，Eason坦言除專注音樂創作外，亦會減少看新聞
的時數。他覺得現時大部分新聞都令人感到抑鬱，認為少看新聞會對自己有幫助：「其實
新聞報道不斷重複，唔需要睇咁多，知道有件事發生就得。我可能會對新聞有感受，但係
嗰篇新聞唔係直接同我有關。點解我要咁緊張，甚至係太過投入呢件事呢？我最開心嘅係
錄音、創作，其實都係間接地關心緊呢個世界，都係做緊一樣嘢係令人放鬆。」
https://i.imgur.com/ciYoe0s.jpg
圖：除了音樂創作，Eason喜歡透過與不同人暢談保持開朗。喜歡與其他人相處的他直言，
如果Fans有禮貌地提出與他合照，他都會一一答應。