公視新聞網 https://news.pts.org.tw/article/603799
推廣本土語言 雙十大會頭改有國家語言口譯
林思皓 謝季潾/臺北報導 發布時間：2022-10-10 19:15 更新時間：2022-10-10 19:48
https://www.youtube.com/watch?v=Ig1hIzDHRSs
國家語言發展法通過了後，今年(2022)國慶大會是推出國家語言口譯服務。另外佇咧國慶
大會頂懸，為著強調全民防衛的精神，嘛邀請南部宋江四陣當中的金獅陣佮白鶴陣，表演
者對七、八歲到成百歲，展現臺灣民間傳統武術文化。
閩東語口譯：「大會主席游錫堃院長、惠恕仁總統！」
國家語言發展法通過了後，今年國慶大會特別提供國家語言口譯服務。另外，臺語台嘛特
別到現場轉播，用臺語紹介國慶大會的重點，訪談表演嘉賓。
主播 鄭家和 &臺南武陣表演團員 黃寶田表示：「人講這个外行是綴人買，內行是看布底
，咱今仔日邀請著咱黃寶田里長來到現場，你來到這个所在，阮欲來共你問較詳細的，來
。好！」
主持人訪問的就是佇國慶大會頂懸，表演武陣的臺南陣頭。囡仔獅仔踅會場，白鶴仙
士佮童子相弄，幾若對少年人佇咧互相比拳過招，亻因是南部宋江四陣內底的金獅陣佮白
鶴陣。
臺南武陣表演總領隊 黃登圍表示：「民間的這个武術就是按呢一代一代一直傳，已經傳
幾若百冬矣，嘛是以後予少年仔咧傳承，一代傳一代，香科到的時陣較有咧練，遮的物件
三冬一改閣練，傳予少年的，少年的再一代傳一代。」
這改武陣的表演安排，表演者對七八歲的囡仔，到成百歲的老師傅。今年九十九歲的武陣
師傅何國昭，到今猶閣真勇建，聽著會使來國慶大會表演，伊是感覺非常歡喜。
武陣師傅 何國昭表示：「國慶的時會當來，閣講一擺，發揚國粹，薪火相傳而努力，來
參與感覺非常的榮幸。」
這改國慶大會邀請陣武陣表演，是希望強調全民防衛的重要。武陣團表示，連中國彼爿攏
有人欲來學，希望少年人會當繼續共遮的武術傳承落去。